日本清酒 | 2022年唎酒師推薦最Hit 10大Sake品牌

近年香港興起飲sake,但係日本清酒有咁多款,到底買邊款先唔會中伏呢?

日本酒有咁多款,到底買邊款先唔會中伏呢?究竟邊款先適合同刺身、壽司配搭?邊款先至係香港人的熱門?日本人究竟鍾意飲邊款?究竟乜野係「吟釀」、「生原酒」?既然有咁多問題,我地酒蛙作為日本酒專門店,今次不如就等我地的專業唎酒師Kathy幫大家推薦10款「必試」、「無伏」的品牌啦!大家不妨作為參考,總會搵到屬於你心入面「家鄉」嘅味道。(排名不分先後)


2022年唎酒師推薦10大日本清酒品牌

1. 大嶺酒造:「三粒米」

日本清酒 大嶺酒造 三粒米

冇聽過「大嶺酒造」都一定有聽過人講「兩粒米」、「三粒米」!曾經同潮牌Human Made合作推出過酒款嘅「Ohmine 大嶺酒造」不單止作品如藝術品,釀造出嚟嘅作品更加出名香氣豐富,又易入口,實在係大家入坑之選!

推薦商品大嶺3粒 火入れ 山田錦 原酒 720ml

2. 高木酒造:「十四代」

高木酒造 十四代

酒標只有簡單利落嘅三個字「十四代」一直都係日本人嘅最愛,喺權威嘅日本酒品評網站更加係長期排名第一!「高木酒造」堅持全手工釀造,出名品質高、產量少!每款作品都散發出令人難以忘懷嘅果香!

推薦商品十四代 本丸 特別本釀造 1800ml

3. 旭酒造:「獺祭」

旭酒造 獺祭

雖然釀造嘅出品只有三個精米步合度【磨き二割三分】、【磨き三割九分】、和【磨き四割五分】,但都能夠獲得好多香港人嘅青睞。除咗果香給人優雅陶醉的感覺之外,「獺祭」純淨的口感都係佢嘅賣點之一。不論閒聊小酌,抑或日式料理嘅佐餐也好,獺祭都可以令到體驗生色不少!

推薦商品獺祭 三割九分 純米大吟釀 720ml
推薦商品獺祭 二割三分 純米大吟釀 720ml

4. 加藤吉平商店:「梵」

加藤吉平商店 梵

「梵」嘅作品相信係好多人愛上飲日本酒嘅原因,稍作熟成後的作品酒質順滑,花果香氣濃郁。獲獎無數嘅「梵」,出品當中亦不乏被日本皇室選為招待用酒添!連皇室都鐘意用嚟代表自己國家,你又點可以錯過呢?

推薦商品梵 Gold 純米大吟釀 720ml
推薦商品梵 超吟 冰溫熟成 純米大吟釀 720ml

5. 油長酒造: 「風之森 (風の森)」

油長酒造 風之森 風の森

由傳統酒造「油長酒造」所分枝出嚟嘅年輕路線「風の森」近年在日本非常流行,屬於新派嘅日本酒。佢哋嘅【807】同【507】生原酒系列令人耳目一新。呢個系列入口有微炭酸口感,味道甜得嚟溫和、清爽。鐘意試新野嘅話,呢個系列會係你好嘅選擇!

推薦商品風の森 山田錦 807 純米無濾過生原酒 720ml
推薦商品風の森 雄町 807 純米無濾過生原酒 720ml

6. 龜之井酒造:「くどき上手」

龜之井酒造 くどき上手

以浮世繪作為酒標嘅「くどき上手」系列,喺山形縣只係排「十四代」嘅後面。出品唔單止易入口有質感,勇於創造和挑戰傳統嘅佢哋甚至推出過精米步合度低至11%嘅作品添,值得一試!

7. 清水清三郎商店:「作」

清水清三郎商店 作

相信有去食過OMAKASE嘅你對「作」呢個銘柄一定唔會陌生,好多日本廚師會選擇佢哋嘅酒款!除左因為易入口之外,佢嘅出品果香濃郁之餘,口感細膩,微酸,風格非常之適合配餐之用。加上價錢不貴,性價比高,下次食日本野又唔知揀邊支酒嘅時候,不妨入手一支試下吧!

推薦商品作 雅乃智 中取り 純米大吟釀 750ml

8. 加茂錦酒造:「荷札酒」

加茂錦酒造 荷札酒
圖片來源:加茂錦酒造

日本新潟縣的傳統酒造「加茂錦酒造」雖然已經有過百年嘅歷史,但唔代表唔會創新!「荷扎酒」系列就係佢哋代表作之一,淨係睇作品上面嘅酒標,就知道作品一D都唔簡單啦!呢個系列主產高級日本酒,「槽場汲み」、「仲汲み」等高級技術常常被使用在釀製過程當中!目標成為百搭餐中酒嘅「荷札酒」系列平衡感做得十分唔錯,甘辛平衡,必試之選!

9. 龜泉酒造:「龜泉」

龜泉酒造 龜泉

位於四國高知嘅「龜泉酒造」擅長利用唔同嘅酵母去釀酒,作品嘅層次感令人一試難忘!系列入面嘅其中一支作品 – 【CEL-24】更被號稱為「薰香酒之最」,呢枝充滿住菠蘿香氣嘅作品,更成為好多女士嘅至愛添!

推薦商品龜泉 CEL-24 純米吟釀 生原酒 720ml

10. 磯自慢酒造:「磯自慢」

磯自慢酒造 磯自慢

靜岡縣嘅權威酒造「磯自慢酒造」專出高品質的作品。社長對「山田錦」呢款酒米嘅熱愛可以算係數一數二,亦係最初開始研究吟釀酒釀造的酒藏之一。因為酒造會用上超過80小時去製麴(一般只係用48小時),所以出品都濃郁芬芳易入口!

推薦商品磯自慢 EMERALD 一滴入魂 東條山田錦 純米大吟釀 720ml

了解咗咁多款品牌之後,大家會唔會都想試下呢?雖然日本酒比人感覺好似門檻好高,好似大有學問咁。不過其實講到尾品酒同生活一樣最緊要啱自己喔,快D嚟加入酒迷嘅行列啦。我哋下一篇再見~


於酒蛙網店免費註冊成為會員,立即獲得$20購物金,仲有多買多折優惠,立即入手屬於你的日本酒吧!

>> 前往領取優惠


其他日本酒入門知識

1. 可以保存多久?

未開封的酒,由出荷年月起計可以保存半年至一年不等,都是最佳的賞味期限。但其實日本人並沒有特定的保存期限,他們覺得放多久都可以喝。存放得久的酒,只要是保存環境恰當的話仍然是可以飲用的,但酒體的顏色和味道可能會偏離酒造本來所希望的目標,大家下次要注意喔!

清酒上所標示的製造年月
一般酒(經過高溫火入處理)製造年月後的1年內飲用
生詰、生儲藏酒(只經過一次火入處理)製造年月後的6個月~1年內飲用(需低溫冷藏保存)
生酒(沒有經過火入處理)製造年月後的6個月內飲用(需低溫冷藏保存)

至於經已開封的酒,則盡可能於1星期內享用完畢,而且一定要在雪櫃低溫保存,大家要注意了!

了解更多日本酒保存大法

2. 應該暖飲、還是冷飲?

清酒的最佳享用溫度

日本酒於不同的溫度,對香氣和味道的變化都有很大的影響,所以一枝酒的最佳享用溫度,要視乎於分類。清爽型、薰香型的酒,例如大部份的純米大吟釀,都適合於偏低溫品嚐,重點是帶出清爽的口感,和果香般的香氣。至於芳醇類型的酒,例如純米酒、生酛、山廢酒等等,則較適合於室溫至攝氏45左右,較容易引出米旨的香味,享受熱清酒的美味!

了解更多日本酒的最佳享用溫度

3. 什麼是日本酒的四大分類?

日本酒侍酒研究會品鑒超過20,000種日本酒,依據香氣與風味的組合為日本酒建立了四種類別 – 分別係「薰酒」、「爽酒」、「醇酒」、「熟酒」。

清酒的分類
日本酒類別特色適合的食物配搭
薰酒 (くんしゅ)香氣強度高,有華麗既水果香氣甚至乎花香刺身、壽司
爽酒 (そうしゅ)淡淡清新既香氣,味道清爽無負擔,口感收結清脆天婦羅、打邊爐、串燒
醇酒 (じゅんしゅ)濃濃的米旨香味,口感比較濃郁,具層次烤物、串燒、煮魚、豚角煮
熟酒 (じゅくしゅ)香氣味道都非常濃郁,散發著乾果或香料般的熟成芳香大閘蟹、打邊爐、壽喜燒

了解更多:日本酒的四大分類 - 薰、爽、醇、熟

Kathy Chuk
80後哈日族,國際唎酒師。對日本文化極有興趣為契機而認識了日本清酒,鍾情於醇酒的味道。

相關文章