【清酒學堂】清酒的最佳享用溫度

想知道某款清酒應該凍飲定熱飲,咁你就要知道溫度改變對清酒香氣同風味既變化有咩影響。下面會幫大家歸納一啲例子,方便大家!

清酒的最佳享用溫度

日本清酒的適飲溫度

酒類繁多,飲用溫度對於每款酒都十分重要,一般來說白酒8-12度,紅酒16-18度最為適合。咁sake又係幾度?好多朋友都會答我「係咪凍飲呀」,咁答無錯,但係又唔係完全正確。因為相比起其他類型既酒,清酒最為特別,係飲用溫度範圍最廣闊既酒,唔同既清酒有唔同既適飲溫度,由5度到有55度都有,日本人甚至每5度有專有名稱,可見其對於飲用溫度精準既重視。

日本清酒的適飲溫度
圖片來源:weathernews.jp

想知道某款清酒應該凍飲定熱飲,咁你就要知道溫度改變既時候,對清酒香氣同風味既變化有咩影響。加熱之後既清酒會比較甜同唔苦,旨味會增加,酒精感較為強烈。根據住呢幾個變化,下面會幫大家歸納一啲例子,方便大家搵到你手上支酒既適飲溫度。


清爽類型:本釀造

本釀造的適飲溫度
本釀造的適飲溫度

酒質輕快、入口清爽,較冰凍既溫度先至能夠突顯其清爽鮮度,有部分呢類清酒可以加熱到50℃飲用。

推薦清酒:
樂器正宗 本釀造 中取り 720ml
味道:入口充滿果香感,甘酸平衡,收結清爽暢快
配搭:配搭油膩食物如天婦羅、打邊爐、串燒等尤其出色


薰香類型: 純米大吟釀、大吟釀等

純米大吟釀、大吟釀等的適飲溫度
純米大吟釀、大吟釀等的適飲溫度

重點要帶出果香,若果清酒既溫度太過低,香氣會減弱,酸味及苦味變得明顯。所以以10℃既花冷溫度飲用最為合適。

推薦清酒:
赤武 山田錦 純米大吟釀 720ml
味道:入口有豐富的果味及輕盈而堅實的旨味
配搭:刺身、日式前菜及海鮮料理

鈴鹿川 純米大吟釀 720ml
味道:帶有迷人的熱帶水果香氣,入口有豐富的米旨味,酒體有著微甜的感覺,且稍為濃厚,後段有回甘的餘韻
配搭:刺身、海鮮

羽根屋 純米大吟釀 50 翼 生酒 720ml
味道:酒體表現清爽,有豐富果味香氣,入口圓滑,有著蜜桃、哈密瓜一類的味道,尾段有輕快的餘韻,感覺淡麗辛口。
配搭:海鮮


芳醇類型:純米酒、生酛、山廢等

純米酒、生酛、山廢等的適飲溫度
純米酒、生酛、山廢等的適飲溫度

呢類清酒既特徵係旨味同厚身,可用較高既溫度引出旨味。係咁多類酒入面最適合加熱到40-55℃黎飲用。

推薦清酒:
翠玉 特別純米酒 720ml
味道:米旨味和香氣為主,是一款優質的配餐酒
配搭:打邊爐、燒物

新政 生成 Ecru 生酛純米酒 720ml
味道:輕微氣泡感、水潤清新的酸甜果香
配搭:打邊爐、爐端燒、濃味料理

久保田 雪峰 純米大吟釀 山廢仕込 500ml
味道:暖飲時哈蜜瓜香氣飽滿,尾韻帶著甘甜的米香
配搭:刺身、串燒、中等口味的日式料理


最後,如果大家唔記得既話,亦可以留意有樽身既酒標,睇吓酒造有無推介既飲用溫度標示。

清酒樽身酒標的溫度標示
清酒樽身酒標的溫度標示 (圖片來源:letsgojp)

各位酒蛙既飲家,有機會可以嘗試多啲唔同既飲用溫度,盡情享受清酒帶比你地既樂趣呀。

Simon Siu
酒蛙 Sakewa的創辦人之一。深信日本酒有如藝術品般的獨特價值,偏愛清酒米旨味。

相關文章